მკითხველის წერილი:
რამდენი ლამაზი სიმღერა დაამახინჯა არასწორმა და არაპროფესიონალურმა შესრულებამ... რასაკვირველია, “ნაბახუსევზე ღიღინს” ვერავინ ვერავის დაუშლის, მაგრამ, როდესაც ამით საკუთარი თავს “აპიარებენ”, ეს უკვე მეტისმეტია.. ამით ილახება ავტორის რეპუტაცია და მახინჯდება თვითონ სიმღერაც.
მაგალითისთვის ერთ შემთხვევაზე მოგახსენებთ: “სოხუმელი კაცი ვიყავ, სოხუმელი აღარ ხარო - სიმღერა, რომელმაც ბევრი აატირა” – ამ სათაურით გავრცელდა ვიდეო-რგოლი და საკმაო “პოპულარობა” მოიპოვა, თუმცა უნდა აღინიშნოს, რომ ტექსტისა და მუსიკის ავტორი გიორგი ბარამაშვილია.
სიმღერა ზურაბ ჟვანიას რჩევით დაიწერა 1997 წელს, გადაიღო დათო გერსამიამ და დაამონტაჟა “ნეო-სტუდიამ”. თავდაპირველად მე-2 არხზე გადიოდა ხშირად, შემდეგ ავტორმა არჩია, მისთვის სასურველ დროს გაჟღერებულიყო და პაუზის შემდეგ არასასიამოვნო სიურპრიზს წააწყდა, რაც, რა თქმა უნდა, არასასიამოვნო და საგანგაშოც კია. სტროფების ბოლოს სხვა ცნობილი სიმღერის მელოდიაა გამოყენებული, ტექსტი თვითნებურადაა გადაკეთებული და საერთოდ აღარ აქვს მისამღერი, რის გამოც სიმღერას დაერქვა “სოხუმელი ვარ”, შესრულების მანერაზე რომ აღარაფერი ვთქვათ...
სიმღერის ტექსტი, მართლაც, ამაღელვებელი და ემოციურია, თუმცა მისი ავტორისეული შესრულება კიდევ უფრო მეტ მოწონებას დაიმსახურებს. ასე რომ, მსმენელმა უნდა იცოდეს მათი “მოწონებული” სიმღერის ნამდვილი ისტორია და მის “ორიგინალსაც” მალე იხილავს, უფრო სწორად, გაიხსენებს..
|
მთავარი
საიტის წესები
სტუმრების წიგნი და თხოვნები
Facebook გვერდი